7 ಲಕ್ಷಕ್ಕೆ ಫ್ಯಾಮಿಲಿ ಕಾರು – ಹೊಸ ಲಾಂಚ್!!

By Super Admin Published: Feb 11, Wednesday, 2026, 12:00 [IST] Feb 11, Wed, 2026, 12:00 [IST]

ಭಾರತದಲ್ಲಿ ಫ್ಯಾಮಿಲಿ ಬಳಕೆಯ 7 ಅಥವಾ 8 ಸೀಟರ್ ಕಾರುಗಳಿಗೆ ಯಾವಾಗಲೂ ಹೆಚ್ಚಿನ ಬೇಡಿಕೆ ಇದೆ. ಇದೇ ಹಿನ್ನೆಲೆಯಲ್ಲಿ, ಮುಂದಿನ ಎರಡು ತಿಂಗಳೊಳಗೆ ಎರಡು ಹೊಸ 7-ಸೀಟರ್ ಕಾರುಗಳು ಭಾರತೀಯ ಮಾರುಕಟ್ಟೆಗೆ ಪ್ರವೇಶಿಸಲು ಸಿದ್ಧವಾಗಿವೆ. ವಿಶೇಷ ಅಂದ್ರೆ, ಈ ಕಾರುಗಳು ಕಡಿಮೆ ಬೆಲೆ ಜೊತೆಗೆ ಉತ್ತಮ ಮೈಲೇಜ್ ಮತ್ತು ಆಧುನಿಕ ಫೀಚರ್‌ಗಳನ್ನು ನೀಡಲಿವೆ.

2026ರಲ್ಲಿ ಕಾರು ಮಾರಾಟ ಏರಿಕೆ – ಜನವರಿಯಲ್ಲಿ 7% ಹೆಚ್ಚಳ ದಾಖಲೆ
Saptashwa

ವಿನ್‌ಫಾಸ್ಟ್ ಲಿಮೋ ಗ್ರೀನ್ – 450 ಕಿ.ಮೀ ರೇಂಜ್ EV
ವಿಯೆಟ್ನಾಂ ಮೂಲದ ವಿನ್‌ಫಾಸ್ಟ್ ಕಂಪನಿಯ ಲಿಮೋ ಗ್ರೀನ್ ಎಲೆಕ್ಟ್ರಿಕ್ MPV, ಭಾರತದಲ್ಲಿ ಲಾಂಚ್ ಆಗಲು ಸಜ್ಜಾಗಿದೆ. ಈ ಕಾರು BYD eMax7 ಮತ್ತು ಕಿಯಾ ಕ್ಯಾರೆನ್ಸ್ ಕ್ಲೇವಿಸ್ EVಗೆ ನೇರ ಸ್ಪರ್ಧೆ ನೀಡಲಿದೆ.

ಭಾರತಕ್ಕೆ ಬರುವ ಮಾಡೆಲ್‌ನಲ್ಲಿ 60.13kWh ಬ್ಯಾಟರಿ ಪ್ಯಾಕ್ ಇರಲಿದೆ. ಫ್ರಂಟ್-ಆಕ್ಸಲ್ ಮೌಂಟೆಡ್ ಎಲೆಕ್ಟ್ರಿಕ್ ಮೋಟಾರ್ ಹೊಂದಿರುವ ಈ EV,

  • 201 bhp ಪವರ್
  • 280 Nm ಟಾರ್ಕ್ ಉತ್ಪಾದಿಸುತ್ತದೆ.

80kW DC ಫಾಸ್ಟ್ ಚಾರ್ಜರ್ ಬಳಸಿ, ಕೇವಲ 30 ನಿಮಿಷಗಳಲ್ಲಿ 10% ರಿಂದ 70% ವರೆಗೆ ಚಾರ್ಜ್ ಮಾಡಬಹುದು. ಒಂದು ಪೂರ್ಣ ಚಾರ್ಜ್‌ನಲ್ಲಿ ಸುಮಾರು 450 ಕಿ.ಮೀ ಪ್ರಯಾಣ ಸಾಧ್ಯ. ಇದರ ಬೆಲೆ 18 ಲಕ್ಷ ರೂ.ಗಳಿಂದ ಆರಂಭವಾಗುವ ನಿರೀಕ್ಷೆ ಇದೆ.

ನಿಸ್ಸಾನ್ ಗ್ರಾವಿಟ್ – ಬಜೆಟ್ 7-ಸೀಟರ್ ಫ್ಯಾಮಿಲಿ ಕಾರು

ಇನ್ನೊಂದೆಡೆ, ನಿಸ್ಸಾನ್ ಗ್ರಾವಿಟ್ ಎಂಬ ಹೊಸ 7-ಸೀಟರ್ ಪೆಟ್ರೋಲ್ ಕಾರು ಕೂಡ ಬಿಡುಗಡೆ ಆಗಲಿದೆ. ಈ ಕಾರಿನಲ್ಲಿ

  • V-ಮೋಷನ್ ಫ್ರಂಟ್ ಗ್ರಿಲ್
  • ಸ್ಪೋರ್ಟಿ ಬಂಪರ್
  • ಬಾನೆಟ್ ಮೇಲೆ ‘Gravite’ ಬ್ಯಾಡ್ಜ್
  • ಡ್ಯುಯಲ್-ಸ್ಟ್ರಿಪ್ LED DRL ಹೆಡ್‌ಲ್ಯಾಂಪ್
  • ಹೊಸ ಅಲಾಯ್ ವೀಲ್‌ಗಳು ಇರಲಿವೆ.

ಒಳಭಾಗ ಸಂಪೂರ್ಣ ಕಪ್ಪು ಥೀಮ್‌ನೊಂದಿಗೆ ಕ್ರೋಮ್ ಆಕ್ಸೆಂಟ್‌ಗಳನ್ನು ಹೊಂದಿದೆ.

ಈ ಕಾರಿನಲ್ಲಿ 1.0 ಲೀಟರ್ ನ್ಯಾಚುರಲಿ ಆಸ್ಪಿರೇಟೆಡ್ ಪೆಟ್ರೋಲ್ ಎಂಜಿನ್ ಇದ್ದು,

  • 72 bhp ಪವರ್
  • 96 Nm ಟಾರ್ಕ್ ನೀಡುತ್ತದೆ.
  • ಈ ಫ್ಯಾಮಿಲಿ ಕಾರಿನ ಬೆಲೆ 7 ಲಕ್ಷ ರೂ.ಗಳಿಂದ ಆರಂಭವಾಗಬಹುದು ಎಂದು ಅಂದಾಜಿಸಲಾಗಿದೆ.
  • ಕಾರ್ ಮಾರಾಟದಲ್ಲಿ ಏರಿಕೆ

ಇನ್ನೂ, 2026ರ ಜನವರಿಯಲ್ಲಿ ಭಾರತದಲ್ಲಿ ಕಾರು ಮಾರಾಟದಲ್ಲಿ ಉತ್ತಮ ಏರಿಕೆ ಕಂಡುಬಂದಿದೆ. 2025ರ ಜನವರಿಗೆ ಹೋಲಿಸಿದರೆ, ಶೇಕಡಾ 7ರಷ್ಟು ಮಾರಾಟ ಹೆಚ್ಚಳ ದಾಖಲಾಗಿದೆ. ಫೆಬ್ರವರಿಯಲ್ಲೂ ಇದೇ ರೀತಿಯ ಏರಿಕೆ ನಿರೀಕ್ಷಿಸಲಾಗಿದೆ.

Comments

Sign in to comment
Please to leave a comment on this article.